Mostrando entradas con la etiqueta Europa. Mostrar todas las entradas
Mostrando entradas con la etiqueta Europa. Mostrar todas las entradas

miércoles, 25 de enero de 2012

Ricos "versus" pobres

Estes días vimos revisando cuestións relacionadas ca desigual distribución das riquezas no noso planeta. Como xa sabemos, vivimos nun "país rico" pois contamos con ingresos altos por habitante, temos unha economía máis ou menos produtiva, vivimos nun sistema democrático que garante os nosos dereitos básicos á educación, sanidade, igualdade de xénero; temos unha esperanza de vida elevada, etc. Pero esta situación non é a mesma se nos trasladamos ós chamados "países pobres".
Imos ver se realmente entendemos todo o explicado e comentado estes días. Nas páxinas 50 e 51 do voso caderno de traballo aparecen unhas táboas que teredes que completar sinalando as semellanzas e diferenzas entre os países desenvolvidos e os subdesenvolvidos en materia de política, economía, sociedade e demografía.

Para que vos resulte máis sinxelo, botádelle unha ollada a este video creado por outro alumno de secundaria coma vós no que se recordan as principais diferencias entre ambos sistemas.

                                              

Sen dúbida, os mais perxudicados por estas desigualdades son os nenos, que en moitos países, non teñen garantizados os seus dereitos básicos. Observade este video da Organización ACNUR.
                                                           


Reflexionemos sobre estas cuestións: ¿cales son os nosos dereitos? e ¿cales son os Dereitos dos Nenos? ¿existe algunha lexislación que vos defenda? De existir, ¿cales son os vosos dereitos? ¿no teu país respétanse? ¿e noutros? Aquí vos deixo o enlace para acceder a Carta Europea dos Dereitos Fundamentales. No seu artigo 24 recolle os Dereitos da infancia; despois de  analizalos, compara se a situación no noso país é igual á de Etiopía, China, Congo, Brasil, Noruega, por exemplo.
Como conclusión propóñovos que fagades unha reflexión por escrito sobre estas cuestións que levará por título : "Se eu nacera nun país subdesenvolvido...." Sería unha boa opción publicala neste blog para poder comparar a túa visión ca de outros compañeiros, non cres?

jueves, 17 de noviembre de 2011

¿Está de moda ser europeo?

Estes días, nos xornais, adoitan aparecer noticias coma as que se recollen nestas dúas imaxes correspondentes ó xornal La Voz de Galicia do pasado mércores 16 de novembro e no xornal de tirada nacional El País do mesmo día. Eses titulares parecen querer indicar que as cousas non marchan de todo ben por Europa. A que se deberá? terá algo que ver a tan mencionada crise? Analicemos as noticias e sacaremos conclusións.

Polo que nos dín os xornais parece que a xente, en época de crise, non está totalmente de acordo con pertencer á Unión Europea. E vos, ¿que pensades? ¿é unha ventaxa ou unha desvantaxe? ¿que beneficios aporta? ¿que significa pertencer a Unión Europea? ¿que países a  integran? Demasiadas preguntas. Comezaremos vendo un video moi breve no que se nos explica como se formou a Unión Europea, os países que a integran e os propostos para novas adhesións.



Xa resolvemos algunhas das nosas dúbidas pero seguro que aínda quedan moitas máis: cal é a moeda oficial? é moeda de cambio en tódolos países? cal foi o último país en ingresar? e o primeiro? que órganos políticos a dirixen? todas estas preguntas e moitas máis podédelas resolver navegando pola web da propia Unión Europea. Facede un análise riguroso de tódalas seccións  e a continuación abriremos un debate con tódalas cuestións que plantexedes.