Mostrando entradas con la etiqueta economía. Mostrar todas las entradas
Mostrando entradas con la etiqueta economía. Mostrar todas las entradas

miércoles, 25 de enero de 2012

Ricos "versus" pobres

Estes días vimos revisando cuestións relacionadas ca desigual distribución das riquezas no noso planeta. Como xa sabemos, vivimos nun "país rico" pois contamos con ingresos altos por habitante, temos unha economía máis ou menos produtiva, vivimos nun sistema democrático que garante os nosos dereitos básicos á educación, sanidade, igualdade de xénero; temos unha esperanza de vida elevada, etc. Pero esta situación non é a mesma se nos trasladamos ós chamados "países pobres".
Imos ver se realmente entendemos todo o explicado e comentado estes días. Nas páxinas 50 e 51 do voso caderno de traballo aparecen unhas táboas que teredes que completar sinalando as semellanzas e diferenzas entre os países desenvolvidos e os subdesenvolvidos en materia de política, economía, sociedade e demografía.

Para que vos resulte máis sinxelo, botádelle unha ollada a este video creado por outro alumno de secundaria coma vós no que se recordan as principais diferencias entre ambos sistemas.

                                              

Sen dúbida, os mais perxudicados por estas desigualdades son os nenos, que en moitos países, non teñen garantizados os seus dereitos básicos. Observade este video da Organización ACNUR.
                                                           


Reflexionemos sobre estas cuestións: ¿cales son os nosos dereitos? e ¿cales son os Dereitos dos Nenos? ¿existe algunha lexislación que vos defenda? De existir, ¿cales son os vosos dereitos? ¿no teu país respétanse? ¿e noutros? Aquí vos deixo o enlace para acceder a Carta Europea dos Dereitos Fundamentales. No seu artigo 24 recolle os Dereitos da infancia; despois de  analizalos, compara se a situación no noso país é igual á de Etiopía, China, Congo, Brasil, Noruega, por exemplo.
Como conclusión propóñovos que fagades unha reflexión por escrito sobre estas cuestións que levará por título : "Se eu nacera nun país subdesenvolvido...." Sería unha boa opción publicala neste blog para poder comparar a túa visión ca de outros compañeiros, non cres?

jueves, 19 de enero de 2012

Como somos os galegos?

Seguro que recordades un recente anuncio publicitario dunha coñecida superficie comercial na que se loubaban as cualidades dos galegos: xenerosos, alegres, traballadores,festexeiros ..... Por se as moscas imos revisar ese anuncio. Aquí o tedes:

                                       


Pois ben, é moi fácil sentirse recoñecido neste anuncio porque os tópicos dos que nos falan resúltannos cercanos. Pero, realmente ¿sabemos como somos os galegos? ¿En Galicia a maior parte da poboación é nova ou de idade avanzada? ¿Hai máis galegos ou galegas? ¿Cal é a idade media dos homes e mulleres galegas? E se reducimos algo máis a nosa lupa ata decatarnos do noso concello, .......,en Narón ¿cómo é a xente de Narón? Estupendaaaaa, por suposto; esto xa se sabía. Pero ¿hai moita xente nova? ¿cal é a esperanza de vida? etc,etc
Como seguro que tedes interese en saber a resposta destes interrogantes....vouvola dicir. Non mellor! Vouvos explicar como se pode averiguar. Na rede podemos atopar a páxina oficial do Instituto Galego de Estadística, un organismo dependente da Xunta de Galicia  a través do cal teremos acceso a todo tipo de datos estadísticos, contrastados e fiables sobre asuntos de estadística demográfica. Pois ben, recurride a este portal e buscade os datos de poboación correspondentes ó noso concello, Narón, no ano 2010.
- Cos datos que  atoparás realiza a pirámide de poboación correspondente a Narón.
-¿Cal é a esperanza de vida no noso concello?
-¿Que porcentaxe de rapaces e rapazas hai no teu concello na mesma franxa de idade ca tí?
-¿Que porcentaxe é maior: o de nacementos ou o de defuncións?
- ¿Dirías que somos un concello envellecido?
-¿Que tipo de pirámide de poboación representaches? Se tes dúbidas podes consultar esta ligazón, onde se explican os diferentes tipos de pirámides poboacionais.
-Escolle outro concello de Galicia e compara os resultados obtidos.
-¿Tes curiosidade por analizar a pirámide de poboación dalgún país concreto? ¿Onde poderías buscar estes resultados? ¿Existirá algún organismo similar o IGE? Ánimo ca búsqueda.

jueves, 1 de diciembre de 2011

Socioeconomía: o sector primario

A estas alturas, e logo do que xa levamos falado na clase, seguro que xa sabedes diferenciar que actividades económicas e produtivas se considerarían propias do sector primario, cales do secundario e as propias do terciario. Con todo, non está de máis revisar estas cuestións. Mirade este video e despois afondaremos algo máis en cada apartado específico do sector primario.

                                        


1. A agricultura. A agricultura é sen dúbida unha das actividades económicas máis desenroladas no noso planeta; xa sexa de forma extensiva ou para consumo propio o certo é que son abondosas as diferentes formas de cultivar o campo. A continuación propóñovos esta actividade interactiva que vos permitirá comprobar se entendíchedes a explicación que sobre tipos de agricultura se fai no noso libro de texto.
Observade agora esta imaxe: que se representa nela? en que espazo xeográfico a situaríades? pensades que se trata de agricultura extensiva ou de subsistencia?



¿Que actividades agrícolas se desenvolven en Galicia? ¿Son extensivas ou para o consumo propio? ¿cales son os productos agrícolas máis cultivados na nosa terra? ¿ onde se cultivan? Podedes acceder ó Portal da Consellería de Medio Rural da Xunta de Galicia e alí encontraredes a resposta a todos estes interrogantes.

2. A gandeiría. Volvendo a consultar o mesmo enlace, investigade agora cales son as principais actividades gandeiras de Galicia, tipos de gando e empresas que se dedican a esta actividade. ¿Coñeces algún producto relacionado ca gandeiría que  teña  a denominación de orixe? ¿e de productos agrícolas?





                      





3. A actividade forestal. Se por algo se caracteriza Galicia é pola súa riqueza forestal. Revisade este enlace e descubride cantas empresas se adican a esta actividade na nosa comarca, Ferrolterra. Facede un breve resume no voso caderno, indicando onde se sitúan ditas empresas, o producto co que traballan,etc.

4. A pesca. Galicia é unha comunidade autónoma que conta, en 3 das súas  provincias, con zona marítima propia polo cal non debe resultarnos estrano que unha porcentaxe importante da nosa poboación se adique ás actividades pesqueiras. Consultade a información presente na Consellería do Mar sobre o número de persoas que traballan directamente no mar, ben sexa na pesca de baixura ou de altura. Tomade nota das zonas de pesca máis importantes, o número de barcos rexistrados e as capturas máis abondosas.
E si a pesca resulta un medio de subsitencia importantísmo en Galicia non o é menos a transformación desa materia prima, o peixe, en conservas. ¿Coñecedes algunha marca de conservas propia de Galicia? ¿Qué conservas se fan en Galicia? ¿Onde? De novo, tócavos investigar, deixovos unha pista moi valiosa.

                                      

5. A minería. ¿creedes que a minería é importante en Galicia? Antes de responder, visualizade este video divulgativo que podemos atopar no Portal de Industria da Xunta de Galicia.
Importante, ¿non si? Pois agora navegade por ese portal e sinalade zonas de explotación mineira en Galicia, indicando tamén o producto que se obtén en cada unha delas.

¿Quedan dúbidas? Revisemos este esquema, non vaia ser.